ຄຳຜະຫຍາ ທີ່ເວົ້າເຖິງຄວາມສວຍສົດ ງົດງາມ ແລະ ຄວາມອຸດົມຮັ່ງມີ ຂອງປະເທດຊາດບ້ານເກີດເມືອງນອນ.
- ເສີມສ້າງປັນຍາ
- Dec 18, 2018
- 1 min read
ໃຜວ່າວຽງຈັນເສົາ ເຊົາເນີຢ່າຟ້າວເວົ້າ
ມັນຊິໂປ້ບາດຫຼ້າ ໝາກແຕງຄ້າງໜ່ວຍປາຍ
ໃຜວ່າວຽງຈັນຮ້າງ ກາງດອນຈັນເກີດປ່າ
ກໍໄຜ່ຍັງຊອນລອນ ປ່າມອນຍັງຊ້າຍລ້າຍ
ຊິໄປຮ້າງ ຢູ່ບ່ອນໃດ
ອັດຕະປືປຶ້ງ ຂາຍຄຳແລກຂີ້ໄກ່
ບຶງພະໂພຂີ້ໄຮ້ ຂາຍຊ້າງແລກກະບອງ
ຫົວຫຍອງໄຟລາມໄໝ້ ວຽງຈັນສັດຕະນາກ
ຍາກບໍ່ແພ້ແລ້ວ ເມືອໜ້າຫາກຊິເຮືອງ ດ໋ອກໜາ!
ໃຜວ່າວຽງຈັນເສົ້າ ຢາກຈູງແຂນໃຫ້ມາເບິ່ງ ເດນໍ
ກົກໝາກຍັງຊອນລອນ ກົກມອນຍັງຊ້າຍລ້າຍ
ຊິໄປເສົ້າ ບ່ອນຈັ່ງໃດເດ!
ຈາກໜັງສື: "ວັດທະນະທຳ ທາງດ້ານຮີດຄອງປະເພນີລາວ"
"ຄຳຜະຫຍາ ແມ່ນສິລະປະອັນໜຶ່ງຂອງຄົນລາວທີ່ໄດ້ມີການຖ່າຍທອດມາແຕ່ບູຮານະການ. ປະຊາຊົນລາວທັງ 49 ຊົນຄວນທີ່ຈະຮຽນຮູ້ສິລະປະ, ປະເພນີ, ວັດທະນະທຳຂອງໂຕເອງໃຫ້ລຶກຊຶ້ງຂຶ້ນ ເພື່ອເອົາມາຢັ້ງຢືນເຖິງຄວາມເປັນເອກະລັກຂອງປະເທດລາວ".
Comments